പാമ്പാണ് പാമ്പാണ്
പാമ്പാണ് സത്യം
തോരാതെ കേണവൾ
ജീവൻ തുടിക്കുവാൻ
കൊത്തിയപാമ്പിനെക്കാളും
വിഷം ചീറ്റിയാടി
ചുറ്റിലും കൊത്താതെ
കൊത്തിയ പാമ്പുകൾ
പേടിച്ചരണ്ടവൾ നീലിമയായി
കേണവൾ കേണവൾ
പാമ്പാണ് സത്യം
പാമ്പിനെക്കാളും വിഷമായി മാറി
ചുറ്റുമിരുന്നവർ 'ആണിയെ' തേടി
വേദനകൊണ്ടു പുളയുന്ന നേരവും
അച്ഛനെ കാത്തവർ 'ആണികഥയുമായി'
ഓട്ടോയിൽ വന്നൊരു അച്ഛനെ കാത്തു
ഓട്ടം വരാതെ ഓടിയൊളിച്ചവർ
കണ്ടൊരു ഡോക്ടറും രോഗം മറന്നു
നോക്കാതെ നോക്കാതെ ഓടിയൊളിച്ചവർ
പുഞ്ചിരി തൂകുവാനാവില്ലെനിക്കിനി
കണ്ണടക്കട്ടെ യാത്രയാവാനായി
കൊത്താതെ കൊത്തിയ പാമ്പാണ് സത്യം
പുഞ്ചിരി തൂകുവാനാവില്ലെനിക്കിനി.
======================================
പാമ്പു കടിച്ചതാണെന്നു പറഞ്ഞിട്ടും സമയത്തു ഹോസ്പിറ്റലിൽ എത്തിക്കാതെ അദ്ധ്യാപകരും, വേണ്ട ചികിത്സ നൽകാതെ ഡോക്ടർമാരും അനാസ്ഥകാണിച്ചു.
No comments:
Post a Comment
നിങ്ങളുടെ അഭിപ്രായം